Zinentiendo 2026

Cuan pareix que arriba la foscor, dende Zinentiendo queremos recordar-tos que hue, como ahiere, i hai esperanza.

Que lo cine contina alportando luz.

Que debant d’a puyada -que els creyen imposible d’aturar-, d’os faixismos, la pantalla contina trayendo libertat y resistencia.

Libertat de l’autentica, la que nos permite transitar, chugar con as nuestras identidaz, refusar lo modelo hechemonico.

Resistencia debant de l’odio. Pa continar estando mais y mullers libres en un mundo homofobo, como Noe en Corren las liebres. Pa amostrar a lo mundo que las siglas LGTB son sinónimo d’afectos y cudiaus a las nuestras familias, como en Tangles. Pa redir-nos de nusatres mismes debant d’o desenfín, como en A very, like, crazy date.

Ista XXI Edición de Zinentiendo no tos imos a atabalar con mensaches apocalipticos sobre lo que pueda venir. No. Nos imos a empoderar todas chuntas, imos a remerar lo que nos une a la buena chent, que en somos muita, y en ye muito, y imos a deixar esclatero, en una enta y pa cutio, que no imos a recular ni un sacre.

En Zinentiendo 2026 imos a dar ferrete con que, como diz Ángelo Néstore “lo cine ye la sola patria an que no cal demandar perdón”. Imos a tornar a buenas con a vida remerando lo mensache de Txus García: “la primer vegada que vide dos mullers besar-se en una pantalla d’arte y ensayo lo mundo homofobo de difuera se crebazó pa cutio. No yera un pecau, yera una iluminación de dos mil watts”. A la finitiva, imos a trigar lo chilo, dende la valentor y la disidencia, de Roberta Marrero:

“Que continen con o suyo odio de vía estreita; nusatras tenemos la tecnicolor, lo melodrama, la uellada fixa d’as estrelas. No i hai homofobia que resista lo primer plano d’una disident que ha decidiu d’esdevenir la suya propia actriz prencipal”.

T’animamos, un anyo mas, a trigar la luz en cuenta d’a foscor. A, debant d’os relatos d’odio, deixar-te encantuciar por historias d’amor y valentor. A continar metendo lo foco, siempre, en a nuestra diversidat.

¿Nos deixas tornar a eslucernar-te?

#Zinentiendo2026